Uztailaren 20an hasiko da 700 MHz-ko bandaren maiztasunen lizitazioa, 5G sare eta zerbitzuak zabaltzeko lehentasunezkoa dena
15/07/2021
Datorren asteartean, uztailak 20, 700 MHz-ko maiztasun-bandaren kontzesioak lortzeko lizitazioaren lehen erronda egingo da. Telefónicak, Vodafonek eta Orangek espektro irrati-elektrikoaren baliabideak eskuratu ahal izango dituzte, eta, hala, sareak hedatu eta 5G zerbitzuak eskaini ahal izango dituzte.
Datorren asteartean, uztailak 20, 700 MHz-ko maiztasun-bandaren kontzesioak lortzeko lizitazioaren lehen erronda egingo da. Telefónicak, Vodafonek eta Orangek espektro irrati-elektrikoaren baliabideak eskuratzeko eskaintza egingo dute, eta, horri esker, sareak hedatu eta 5G zerbitzuak eskaini ahal izango dituzte.
Egunero, egunean zehar egindako erronden informazioa argitaratuko du Esleipen Mahaiak Ekonomia Gaietako eta Transformazio Digitaleko Ministerioaren webgunean. Esleipen Mahaiak eguneko enkante-txanda bukatutzat jotzen duenean emango da jakitera informazioa.
Enkantean guztira 75 MHz lizitatzen dira, honela banatuta: 60 MHz, goranzko eta beheranzko komunikazioetarako, eta 15 MHz, beheranzkoetarako bakarrik, estatu mailako zazpi emakidatan banatuta:
Emakidek gutxienez 20 urteko iraupena izango dute eta gehienez 40 urtekoa. Irteerako prezioak honako hauek dira (ikus koadroa PDFn):
Enkantearen aurretik, operadoreek dagoeneko egin dituzte Enkanteen Plataforma Elektroniko (PES) seguruaren erabilerari buruzko prestakuntza-saioak. Esleipen-mahaiak amaitutzat emango du lizitazio-prozesua, baldin eta txanda batean eskaintza berririk jasotzen ez bada.
Oinarriek mugak ezartzen dituzte operadore batek edozein lurralde-eremutan izan ditzakeen maiztasunen kopuruan: gehienez 2 x 15 MHz 700 MHz-eko banda parekatuari dagokionez eta gehienez 2 x 35 MHz 700 MHz, 800 MHz eta 900 MHz-ko banda parekatuetan komunikazio elektronikoetara bideratutako espektro multzoari dagokionez.
5G teknologia bultzatzea
Espainian 5G teknologia bultzatzea da Suspertze, Transformazio eta Erresilientzia Plana, eta 1.500 milioi euroko inbertsio publikoa aurreikusten du bere hedapena bizkortzeko.
Espainian 5G sareetarako maiztasunen hirugarren enkantea egin da, 2018an 3,6-3,8 GHz bandaren enkantearen eta banda horren 20 MHz-ko lizitazioaren ondoren (2020ko abenduan egin zen).
5G teknologiak ekonomian eta enpleguaren sorreran eragin handia izatea espero da, produktuak eta zerbitzuak ekoizteko, banatzeko eta kontsumitzeko modua aldatuko duten aplikazioak garatzeko aukera emango baitu. Gainera, ezinbestekoa izango da eraldaketa digitalerako, beste teknologia batzuek (hala nola gauzen Internetek, big datak, robotikak, errealitate birtualak edo adimen artifizialak) beren gaitasun guztiak garatzen lagunduko baitu.