El artigo 133.2 da Lei 39/2015, do 1 de outubro, do Procedemento Administrativo Común das Administracións Públicas e o artigo 26.6 da Lei 50/1997, do 27 de novembro, do Goberno establecen que, sen prexuízo da consulta previa á redacción do texto da iniciativa, cando a norma afecte os dereitos ou intereses lexítimos das persoas, o centro directivo competente publicará o texto no portal web correspondente, co obxecto de dar audiencia aos cidadáns afectados e solicitar cantas achegas adicionais poidan facerse por outras persoas ou entidades.
En aplicación de ambos os preceptos legais, iníciase o presente trámite de audiencia e de información pública sobre o Proxecto de Orde ETU/……../2017 pola que se establece o punto de información único ao que se refire o Real Decreto 330/2016, do 9 de setembro, relativo a medidas para reducir o custo do despregamento das redes de comunicacións electrónicas de alta velocidade cuxo texto se publica igualmente neste portal web, de forma que os cidadáns afectados ou calquera outro suxeito, persoa ou entidade poida expor as súas opinións ou presentar os comentarios e documentos que estime oportuno.