La Axenda Dixital para España, aprobada polo Consello de Ministros na súa reunión do 15 de febreiro de 2013, sitúa o despregamento das infraestruturas de acceso de banda larga ultrarrápida como un dos principais obxectivos políticos e estratéxicos da presente década, obxectivos encamiñados a conseguir que para o ano 2020 todas as persoas poidan dispor de servizos de acceso a Internet con velocidades por encima dos 30 Mbps.
Para alcanzar eses obxectivos, unha das medidas contemplada na Axenda Dixital refírese á optimización do uso do espectro radioeléctrico. En concreto, a Axenda sinala que conseguir un uso eficiente do espectro radioeléctrico é imprescindible para fomentar o despregamento de novas redes e tecnoloxías e para incrementar o valor dos servizos proporcionados.
En liña con estes obxectivos, o Ministerio de Industria, Enerxía e Turismo inicia unha consulta pública sobre o modelo idóneo de xestión das bandas de frecuencias 1452 a 1492 MHz e 3,6 a 3,8 GHZ, co obxectivo de obter a opinión dos distintos axentes interesados e de proporcionarlles unha canle de participación no proceso de decisión sobre as actuacións a realizar para a xestión destas bandas de frecuencias e outorgamento dos dereitos do seu uso.