O Consello de Ministros na súa sesión do 18 de novembro, tomou coñecemento do Informe sobre o funcionamento dos servizos da Administración Xeral do Estado no territorio en 2019, ao abeiro da Lei 40/2015 de Réxime Xurídico do Sector Público.

A Administración Xeral do Estado está presente en cada unha das 17 delegacións do Goberno nas comunidades autónomas, 2 delegacións do Goberno nas Cidades de Ceuta e Melilla, 44 subdelegacións do Goberno nas provincias e 7 direccións insulares.

Os datos destacados do Informe 2019 son os seguintes:

• Sanidade exterior - Postos de Inspección Fronteiriza: Controlaron 763.711 partidas no tráfico internacional de mercadorías, un 2,69% máis que en 2018. Pola súa banda, os 29 Centros de Vacinación Internacional, atenderon a 170.012 viaxeiros e administraron un total de 93.993 vacinas.
• Protección e seguridade cidadá: Os Servizos de Protección civil xestionaron un total de 16.896 alertas preventivas e foron rexistrados un total de 1.012 sucesos
• Operación Paso do Estreito: Na edición de 2019 embarcaron 3.340.045 persoas e 760.215 vehículos, rexistrándose un total de 11.184 viaxes.
• Violencia de Xénero: Elaboráronse 2.703 informes o que supón un incremento de 17% respecto do ano anterior, e o total de Fichas de seguimento foi de 51.729.
• Dereito de reunión e manifestación - Procedemento electoral- Asistencia xurídica gratuíta: No ano 2019 celebráronse tres procesos electorais: Eleccións a Cortes Xerais do 28 de abril de 2019. Eleccións Locais, Autonómicas e Europeas do 26 de maio de 2019. Eleccións a Cortes Xerais do 10 de novembro de 2019. Ademais, naquelas provincias onde non existe Xerencia Territorial do Ministerio de Xustiza, a secretaría das Comisións de Asistencia Xurídica Gratuíta está adscrita ás delegacións ou subdelegacións do Goberno. Son 14 en total: En 2019 iniciáronse 56.202 expedientes de asistencia xurídica gratuíta.
• Xestión de Drogas: Se recepcionaron 303.880 kg, cunha media mensual de 25.323 kg/mes.
• Información e atención ao cidadán: As Oficinas de Información e Atención ao Cidadán están incorporadas á Rede 060 cun catálogo de servizos. En 2019 atenderon 3.618.523 consultas.
• Trámites electrónicos: Estas Oficinas son pioneiras na utilización de novas tecnoloxías e en 2019 rexistráronse de entrada 4.103.574 documentos. Emitíronse 63.947 Certificados Dixitais pola Fábrica Nacional de Moeda e Timbre e un total de 59.921 certificados presenciais de @Clave.
• Oficinas de Estranxeiría: En 2019 presentáronse 775.506 solicitudes de autorización e resolvéronse 763.748 expedientes.
• Alta Inspección educativa: Durante 2019 tramitáronse un total de 127.245 solicitudes de homologacións e validacións de títulos e estudos estranxeiros universitarios e non universitarios, de títulos españois e de equivalencias de títulos españois.
• Queixas: O Sistema de Información Administrativa (SIA) actúa como catálogo de información sobre tramitación administrativa. Durante o ano 2019 recibiu un total de 1.341 queixas e 21 suxestións.

O Informe tamén recolle ademais a actividade dos Xurados de Expropiación, das Áreas de Fomento que tramitan solicitudes de axudas ao transporte de mercadorías para Canarias e Illas Baleares, ou as Áreas e dependencias de Traballo e Inmigración que se ocupan das axudas de emigrantes retornados.

O Informe así mesmo inclúe a organización, funcións e actividade do resto de servizos da Administración Xeral do Estado no territorio, entre estes servizos están a Axencia Estatal de Administración Tributaria, a Tesouraría Xeral e o Instituto Nacional da Seguridade Social, o Servizo Público de Emprego Estatal, as Xerencias Territoriais de Xustiza, as Demarcacións de Estradas, as Confederacións Hidrográficas, as Delegacións de Economía e Facenda, as Xefaturas Provinciais de Inspección das Telecomunicacións ou as Direccións Territoriais e Provinciais de Comercio.

Nota de prensa completa aquí