Natural de Huesca, aínda que naceu en Zaragoza o 15 de xaneiro de 1962. Licenciada en Filosofía e Letras pola Universidade de Zaragoza e membro do Corpo Superior de Administradores Civís do Estado desde 1991. Con anterioridade, no ano 1989 aprobou as oposicións ao Corpo de Xestión da Administración Civil do Estado.

Desde febreiro do 2019 ata febreiro de 2020 ocupou o cargo de directora do Instituto Nacional de Administración Pública, organismo adscrito ao Ministerio de Política Territorial e Función Pública, con funcións relacionadas coa formación, selección, promoción da investigación sobre a administración e as políticas públicas e impulso da cooperación nacional e internacional.

Desenvolveu a maior parte da súa carreira no ámbito dos recursos humanos nos Ministerios de Administracións Públicas, Cultura, Interior e Política Territorial e Función Pública. Entre 2017 e 2019, foi subdirectora xeral de Planificación de Recursos Humanos e Retribucións na Dirección Xeral da Función Pública e entre 2008 e 2017 foi subdirectora xeral de Recursos Humanos e Inspección do Ministerio do Interior.

Conta con acreditada experiencia na planificación, organización e dirección administrativa e participou en numerosos órganos colexiados e tribunais, e desempeñou funcións de coordinación, cooperación e participación institucional con organismos e axentes relacionados co emprego público.