Os servizos previos valoraranse a razón de 0,01 puntos por mes de servizos, ata un máximo de 2,50 puntos, computándose para estes efectos:

- Os servizos prestados con anterioridade ao ingreso na subescala ou subescalas correspondentes e os períodos de persoal funcionario en prácticas, nos termos da Lei 70/1978, do 26 de decembro, de recoñecemento de servizos previos na Administración Pública e do Real Decreto 1461/1982, do 25 de xuño polo que se ditan normas de aplicación da Lei 70/1978, de26 de decembro, de recoñecemento de servizos previos na Administración Pública.

- Os servizos prestados en postos non reservados de calquera Administración Pública, incluídos os prestados en situación administrativa de servizo noutras administracións públicas ou en servizos especiais. Non se puntuarán cando se alcanzou o máximo de 9 puntos no apartado de servizos efectivos.

Non se computarán neste apartado os servizos prestados en situación de servizo activo, excedencia voluntaria por coidado de familiares; excedencia para vítimas de violencia de xénero e excedencia para vítimas do terrorismo, xa que se computan como servizos efectivos.

O período de funcionario en prácticas para esta escala compútase de oficio.

Se Vde. desexa inscribir servizos prestados con anterioridade ao ingreso na subescala ou subescalas, ou os prestados atopándose en situacións administrativas distintas ao servizo activo, deberá solicitar e achegar copia do Anexo I correspondente a ese período. A tramitación da inscrición levarase a cabo a través do formulario dispoñible na sede electrónica: https://sede.administracionespublicas.gob.es/procedementos/portada/ida/0/idp/305