Lurralde Politikako eta Funtzio Publikoko Ministerioak, Funtzio Publikoko Idazkaritza Nagusiaren bidez, urtarrilaren 9an (larunbata) bidalitakoaren osagarri den instrukzio bat bidali die ministerio-sailei eta haien erakunde publikoei, 'Filomena' depresioak eragindako hotz-boladak sortutako egoera meteorologiko txarraren aurrean.

Lurralde Politikako eta Funtzio Publikoko Ministerioak, jarraibide berrian, ministerioetako sailei eta haien mendeko zentroei gomendatzen die, urtarrilaren 13tik, beharrezko neurriak har ditzatela eragindako herri guztietan, langile publikoak lan-zentroetan sar daitezen, pixkanaka eta malgutasunez, egoerak uzten duen heinean.

Era berean, instrukzioaren arabera, hala behar duten langile publikoek telelana erabiltzeko aukera izango dute hilaren 17ra arte, egun hori barne, non eta ez den nahitaezkoa presentziazko lana egitea herritarrentzako funtsezko zerbitzu publikoak mantentzeko.

Urtarrilaren 18an, astelehena, zerbitzua emateko kasu bakoitzean dagozkion modalitateak berreskuratuko dira.