No contexto da Rede Interadministrativa de Calidade nos Servizos Públicos, o entón Ministerio de Facenda e Función Pública expuxo a posibilidade de elaborar un Mapa de Situación das actuacións de simplificación na administración estatal e autonómica, co fin de coñecer a situación actual e poder atopar sinerxias. Esta iniciativa foi acollida favorablemente.
Acordouse un cuestionario entre as administracións e coa información recompilada elaborouse un documento descritivo da situación da simplificación de procedementos en cada Administración, no que se recolleron as medidas adoptadas en cada ámbito, e que serviu de punto de partida para compartir experiencias.
Este primeiro informe foi presentado no Plenario da Rede do 17 de novembro de 2021.