A empresa estatal Correos convocou un proceso de selección de 3.381 postos de persoal laboral fixo para desempeñar funcións de repartición de envíos, tarefas loxísticas e atención ao cliente en oficinas.

Trátase dunha convocatoria conxunta que inclúe os postos correspondentes ás taxas de reposición aprobadas para o ano 2019 (1.381 postos), así como 2.000 postos dos contemplados no plan de estabilización de emprego temporal 2018-2020. Do total de postos ofertados, 2.356 son para tarefas de repartición; 505 para axente de clasificación e 520 para atención ao cliente en oficinas.

Correos informa de que os interesados poden inscribirse desde hoxe ata as 23:59 horas do 1 de decembro, a través da súa web corporativa, onde tamén figuran as bases que rexen o proceso.

Na distribución dos postos ofertados por rexións, Cataluña é a de maior número de prazas con 840, seguida por Madrid, con 590, e Comunidade Valenciana (473).