Informe sobre a percepción cidadá dos Servizos Públicos

Mediante este informe estúdase o grao de satisfacción dos cidadáns coas políticas e servizos públicos en España.​

Outros informes de Calidade

A Lei 11/2020, do 30 de decembro, de Orzamentos Xerais do Estado para o ano 2021 modifica a Lei 40/2015, do 1 de outubro, de Réxime Xurídico do Sector Público, recuperando as axencias estatais como organismos públicos integrantes do sector público institucional estatal.

A mencionada Lei, define as axencias estatais como “entidades de dereito público, dotadas de personalidade xurídica pública, patrimonio propio e autonomía na súa xestión, facultadás para exercer potestades administrativas, que son creadas polo Goberno para o cumprimento dos programas correspondentes ás políticas públicas que desenvolva a Administración Xeral do Estado no ámbito das súas competencias”.

De conformidade co establecido no Real Decreto 210/2024, do 27 de febreiro, polo que se establece a estrutura orgánica básica do Ministerio para a Transformación Dixital e da Función Pública, a Dirección Xeral de Gobernación Pública desenvolve, entre outras funcións, a de “favorecer a mellora continua da xestión mediante o impulso, desenvolvemento e seguimento dos programas de calidade nos servizos públicos, baseados na procura da excelencia e o fomento da innovación. En particular, a xestión e impulso dos programas de calidade previstos no Real Decreto 951/2005, do 29 de xullo, polo que se establece o marco xeral para a mellora da calidade na Administración Xeral do Estado.”

É en tal contexto normativo no que a Dirección Xeral de Gobernación Pública continua elaborando e presentando os informes sobre a actividade despregada polas Axencias Estatais.

Así mesmo, a AEVAL realizou unha serie de informes co obxecto de levar a cabo unha análise de todo o ciclo da acción pública, tanto nos seus plans de traballo como sobre a xestión de calidade en diferentes vertentes