Unha das competencias da Dirección Xeral de Gobernación Pública é o deseño, impulso e seguimento no ámbito da Administración Xeral do Estado das actuacións para reducir as cargas administrativas e regulatorias, e simplificar os procedementos administrativos.

Cumprir cos trámites que establece unha norma implica desprazamentos, esperas e custos que non sempre están xustificados. Así, existen trámites innecesarios, repetitivos ou especialmente complexos que poden suprimirse, reducirse ou simplificarse. A Administración traballa para reducir a burocracia innecesaria e ser máis eficiente e convida os cidadáns e as empresas a participar na política de redución de cargas administrativas, nesta sección.

Este espazo publica información sobre a redución de cargas administrativas e simplificación de procedementos, documentos de referencia sobre as actuacións levadas a cabo en materia de redución de cargas administrativas tanto a nivel nacional como internacional, mellora da regulación e un acceso, a través do Punto de Acceso Xeral electrónico a unha caixa de correos onde as empresas e os cidadáns poden deixar as súas suxestións.