No Boletín Oficial do Estado de hoxe 2 de novembro publicouse a Resolución do 25 de outubro de 2021, pola que nomean funcionarios de carreira, polo sistema xeral de acceso libre e promoción interna, do Corpo de Enxeñeiros de Camiños, Canles e Portos do Estado.

Trátase dun corpo da Administración Xeral do Estado adscrito ao Ministerio de Transportes, Mobilidade e Axenda Urbana, do Grupo A1, os cales se distribúen fundamentalmente entre os Ministerios de Transportes, Mobilidade e Axenda Urbana e Transición Ecolóxica e o Reto Demográfico. Os sectores de actividade onde desempeñan as súas funcións son basicamente as dependencias das Direccións Xerais de ambos os Ministerios (Estradas, Sustentabilidade da Costa e o Mar, Augas) así como en entes e organismos adscritos, talles como a Axencia Estatal de Seguridade Ferroviaria ou as Confederacións Hidrográficas.

Para participar no proceso selectivo os aspirantes han de ter o título Enxeñeiro de Camiños, Canles e Portos ou aquela que habilite para o exercicio da profesión regulada, segundo dispoñen as directivas comunitarias.

O proceso selectivo consistirá en 4 exercicios obrigatorios e eliminatorios sobre os catro bloques do temario, un primeiro exercicio de 100 preguntas test, 25 de cada bloque, un segundo exercicio de Idioma inglés, un terceiro exercicio consistente no desenvolvemento oral de 4 temas entre oito elixidos ao azar e un cuarto exercicio de casos prácticos: dous relacionados co bloque 2 e dous relacionados co bloque 3.

Unha vez superado o curso selectivo os aspirantes realizarán un período de prácticas que non terá incidencia para a determinación da cualificación do proceso selectivo. Durante este período de prácticas, que terá unha duración máxima de tres meses, proporase o exercicio de tarefas xenéricas e variadas que teñan como finalidade primordial a adquisición de coñecementos prácticos para o exercicio das funcións propias do Corpo de Enxeñeiros de Camiños, Canles e portos do Estado baixo a supervisión dun titor designado para ese efecto. En ningún caso, poderase encomendar a realización de funcións propias dun posto de traballo. A asistencia ás prácticas programadas será obrigatoria.